បំផ្ទុះ​គ្រាប់​បែក​នៅ​បង់ក្លាដែស​សម្លាប់​មនុស្ស​៣​នាក់ ខណៈ​អ្នក​រង​របួស​ច្រើន​នាក់

យ៉ាង​ហោច​ណាស់​មនុស្ស ៣​នាក់ ក្នុង​នោះ​មាន​ប៉ូលិស​ម្នាក់​ផង​ដែរ ត្រូវ​បាន​គេ​សម្លាប់ ហើយ​ច្រើន​នាក់​ទៀត​បាន​រង​របួស នៅ​ក្នុង​ហេតុការណ៍​បំផ្ទុះ​គ្រាប់​បែក ២​ករណី​ដាច់​ដោយ​ឡែក​ពី​គ្នា កាល​ពី​ថ្ងៃ​ម្សិល​មិញ​នេះ នៅ​ជិត​ទីកន្លែង​លាក់​ខ្លួន​របស់​ពួក​ឧទ្ទាម ជា​ទីដែល​កង​កុម៉្មង់ដូ​បាន​សម្រុក​ចូល នៅ​ភាគ​ឦសាន​ប្រទេស​បង់ក្លាដែស។ នេះ​ដោយ​យោង​តាម​ការ​ចុះ​ផ្សាយ​របស់​ទីភ្នាក់ងារ​ព័ត៌មាន Reuters ដែល​បាន​ដក​ស្រង់​សម្ដី​ប៉ូលិស។ ការ​បំផ្ទុះ​គ្រាប់​បែក​នៅ​ស្រុក​ស៊ីលហេត បាន​កើត​ឡើង​តែ​មួយ​ថ្ងៃ​ក្រោយ​ពី​ជន​បំផ្ទុះ​គ្រាប់​បែក​អត្ត​ឃាត​ម្នាក់ បាន​បំផ្ទុះ​ខ្លួន​ឯង​នៅ​ចំណុច​ត្រួត​ពិនិត្យ​សន្តិសុខ​មួយ ស្ថិត​នៅ​ជិត​ព្រលាន​យន្ត​ហោះ​របស់​ប្រទេស​បង់ក្លាដែស។ ក្រុម​រដ្ឋ​ឥស្លាម​បាន​ប្រកាស​ទទួល​ខុស​ត្រូវ​ចំពោះ​ការ​វាយ​ប្រហារ​នោះ។ មន្ត្រី​ប៉ូលិស​បាន​និយាយ​ថា មនុស្ស ២​នាក់ ត្រូវ​បាន​គេ​សម្លាប់ ហើយ​ជាង

Read more

ម៉ាឡេស៊ីឃាត់ខ្លួនមនុស្ស៩នាក់សង្ស័យពាក់ព័ន្ធក្រុម IS

នាយកដ្ឋានប្រឆាំងអំពើភេរវកម្ម​បានឃាត់ខ្លួនបុរសជនជាតិម៉ាឡេស៊ីចំនួន​៩នាក់ ក្នុងនោះរួមទាំងគ្រូបង្រៀន កម្លាំងសន្តិសុខនិងម្ចាស់គ្លីនិក ដែលសង្ស័យថាជាប់ពាក់ព័ន្ធសកម្មភាពពួកក្រុមរដ្ឋឥស្លាម។​ ក្នុងអំឡុងពេលនៃការឃាត់ខ្លួននោះគឺរកឃើញថា បុរសអាយុ៣១ឆ្នាំម្នាក់ ដែលធ្វើការនៅតាមភោជនីយដ្ឋាន បានរៀបចំគម្រោងវាយប្រហារប៉ុស្តិ៍របស់នគរបាលមួយកន្លែងនៅ Tapah។ នេះបើតាមការអះអាងរបស់ក្រុមសមត្ថកិច្ចដែលចុះប្រតិបត្តិការណ៍។​ នគរបាលរកឃើញភស្តុតាងបង្ហាញថា ពួកគេជាសមាជិករបស់ពួកIS ដោយមានសម្ភារៈកែច្នៃជាគ្រាប់ផ្ទុះ និង សកម្មភាពជ្រើសរើសសមាជិកជាជនជាតិម៉ាឡេស៊ីឲ្យចូលក្រុមមួយនេះ។​ មួយរយៈកាលចុងក្រោយនេះ ម៉ាឡេស៊ីបានឃាត់ខ្លួន ជនដែលសង្ស័យថា ធ្វើកម្មភាពជាមួយពួករដ្ឋឥស្លាមជាបន្តបន្ទាប់ ពេលខ្លះសហការជាមួយប្រទេសសិង្ហបុរី ពេលខ្លះទៀត គឺម៉ាឡេស៊ីចាប់ខ្លួនបានដោយខ្លួនឯង៕ ដោយ លោក

Read more

បក្សីជាង២សែនក្បាលនៅជប៉ុន​ត្រូវបានសម្លាប់ដោយសារជំងឺផ្តាសាយបក្សី

ជប៉ុនបានដាក់កម្លាំងទាហានយ៉ាងច្រើន ដើម្បីជួយរើសសត្វមាន់​ជាង២៨០ ០០០ក្បាលចោល នៅថ្ងៃសុក្រនេះ បន្ទាប់ពីសមត្ថកិច្ចរកឃើញថា មានករណីផ្ទុះរាលដាលឆ្លងជំងឺផ្តាសាយបក្សី។​ ចាប់តាំងពីខែវិច្ឆិកាឆ្នាំ២០១៦មក ជប៉ុនបានសម្លាប់សត្វស្លាប់ប្រមាណ​១,៦៧ក្បាល បន្ទាប់ពីរកឃើញថា មានផ្ទុះជំងឺផ្តាសាយបក្សី ចំណែកកសិដ្ឋានជាច្រើនត្រូវបិទ។​ នេះបើតាមទីភ្នាក់ងារព័ត៌មាន​AFP។​ គ្រាន់តែកសិដ្ឋានមួយនៅក្នុងតំបន់​ Miyagi នៅភាគឦសាន្តប្រទេស ត្រូវការកម្លាំងច្រើនក្នុងការសម្លាប់បក្សីប្រមាណ​២២០ ០០០ក្បាល ចំណែកកសិដ្ឋាននៅភាគអាគ្នេយ៍នៃទីក្រុងតូព្យូប្រមាណ​ ៦៨ ០០០ ត្រូវសម្លាប់ដែរ៕ ដោយ៖ លោក ពៅ

Read more

ចិន​នឹង​លក់​នាវា​ចម្បាំង​ទៅ​ឲ្យ​ម៉ាឡេស៊ី

កិច្ចព្រមព្រៀង​របស់​ប្រទេស​ម៉ាឡេស៊ី​ក្នុង​ការ​ទិញ​កង​នាវា​ចម្បាំង​ផលិត​ក្នុង​ប្រទេស​ចិន​ និង​ការ​បង្កើន​ការ​យាមល្បាត​ប្រឆាំង​នឹង​ការ​ជ្រៀត​ចូល​ដោយ​ចិន​បាន​គូស​បញ្ជាក់​ភាព​សាំញ៉ាំ​នៃ​ទំនាក់ទំនង​រវាង​ប្រទេស​ទាំង​ពីរ​នេះ​ និង​ជា​សញ្ញា​បង្ហាញ​កំណើន​កង្វល់​អំពី​ការ​ការពារ​ជាតិ។ ពួក​មន្ត្រី​នៃ​ប្រទេស​នេះ​នៅ​អាស៊ី​អាគ្នេយ៍​ដែល​មាន​ឆ្នេរ​សមុទ្រ​លាតសន្ធឹង​ពី​សមុទ្រ Sulu ទៅ​ខាង​លិច​ទៅ​ដល់​មហា​សមុទ្រ​ឥណ្ឌា​ បាន​និយាយ​កាល​ពី​ខែ​វិច្ឆិកា​ថា​ ពួកគេ​នឹង​ទិញ​នាវា​ចម្បាំង​ធុន Littoral ផលិត​ក្នុង​ប្រទេស​ចិន​ចំនួន​បួន​គ្រឿង។ ពួក​អ្នកវិភាគ​និយាយ​ថា​ នាវា​ទាំង​នេះ​នឹង​ជំនួស​នាវា​៥០គ្រឿង​នៃ​កង​នាវី​នៃ​ប្រទេស​ម៉ាឡេស៊ី ដើម្បី​ការពារ​ដែន​ទឹក​ពី​ការ​គំរាម​កំហែង​មួយ​ចំនួន។ នៅ​ក្នុង​បណ្តា​ការ​គំរាមកំហែង​ទាំង​នេះ​មាន​ការ​គំរាមកំហែង​មក​ពី​ប្រទេស​ចិន​ដែល​បាន​ប្រកួត​ប្រជែង​ជាមួយ​ម៉ាឡេស៊ី​ក្នុង​ការ​ទាមទារ​ផ្នែក​ខ្លះ​នៃ​សមុទ្រ​ចិន​ខាង​ត្បូង។​ លោក Ibrahim Suffian ប្រធាន​កម្មវិធី​នៃ​ក្រុម​ស្ទង់មតិ​នៅ​មជ្ឈមណ្ឌល​ Merdeka មាន​មូលដ្ឋាន​ក្នុង​ក្រុង​គូឡាឡាំពួ​បាន​និយាយ​ថា «លោក​នាយក​រដ្ឋមន្ត្រី​បាន​ប្រកាស​អំពី​កិច្ចព្រមព្រៀង​ជាមួយប្រទេស​ចិន​កាលពី​ឆ្នាំ​ទៅ​មិញ​ដើម្បី​ទិញ​នាវា​បែប Littoral បួន​គ្រឿង។ កាលពី​អតីតកាល​កង​យោធពល​នៃ​ប្រទេស​ម៉ាឡេស៊ី​តែងតែ​ទិញ​សព្វាវុធ​ពី​ពួក​បស្ចឹម​ប្រទេស​ដូចជា​ស.រ.អា

Read more

នាយករដ្ឋ​មន្រ្តី​ចិន​បញ្ចប់​ដំណើរ​ទស្សនកិច្ច​នៅ​ប្រទេស​អូស្រ្តាលី​ដោយ​មាន​ការ​ប្រកួតកីឡាបាល់​ទាត់​

នាយករដ្ឋ​មន្រ្តី​នៃ​ប្រទេស​ចិន ​បាន​ចូលរួម​ការ​ប្រកួតកីឡាបាល់​ បាល់ទាត់ ​អូស្រ្តាលី​ជាមួយ​នាយករដ្ឋ​មន្រ្តី​អូស្រ្តាលី​នៅ​ថ្ងៃ​សៅរ៍​នេះដោយ​បាន​បញ្ចប់​ដំណើរ​ទស្សនកិច្ច​ដែល​មាន​គោល​បំណង​ជំរុញ​ចំណងទាក់​ទង​ទ្វេភាគី​ហើយ​នឹង​ពង្រីក​ពាណិជ្ជកម្ម​រវាង​ប្រទេស​ទាំង​២។ ​លោកនាយករដ្ឋ​មន្រ្តី​ចិនLi Keqiang ​និង​លោកនាយករដ្ឋ​មន្រ្តី​អូស្រ្តាលី Malcolm Turnbull ​បាន​ឈប់​សម្រាក​ពី​ការ​ពិភាក្សា​ពាណិជ្ជកម្ម​ដើម្បី​មើល​ការ​ប្រកួតបាល់ បាល់ទាត់ ​របស់​អូស្រ្តាលី​នៅ​ក្នុង​ទីក្រុង​ស៊ីដនី។ លោក​នាយករដ្ឋ​មន្រ្តី Turnbull បាន​ចំណាយ​ពេល​ជា​ច្រើន​ថ្ងៃ​កន្លង​មក​ដើម្បីប្រឆាំង​នឹង​ការគាំពា​ទំនិញ​ក្នុង​ប្រទេសនិង​សរសើរ​ផល​ប្រយោជន៍​នៃ​ពាណិជ្ជកម្មសេរី​នៅ​ពេល​ដែល​ប្រធានា​ធិបតី​សហរដ្ឋ​អាមេរិក ដូណាល់ ​ត្រាំ​កំពុង​ស្នើ​ឲ្យ​គិតគូ​ពី​ប្រទេស​អាមេរិក​ជាអាទិភាព​នៃ​ពាណិជ្ជកម្ម​សាកលលោក។ ចិន​ជា​ដៃ​គូ​ពាណិជ្ជកម្ម​ដ៏​ធំ​បង្អស់​របស់​ប្រទេស​អូស្រ្តាលី ដោយ​ពាណិជ្ជកម្ម​ទ្វេភាគី​មាន​លើស​ពី​១០៧​ពាន់​លានដុល្លារ​ហើយ​នឹងវិនិយោគទុន​ទ្វេភាគី​លើស​ពី​១រយ​ពាន់​លាន​ដុល្លារ។​ ក្នុង​ដំណើរ​ទស្សនកិច្ច​របស់​នាយករដ្ឋ​មន្រ្តី​ចិន លោកលី​និង​នាយក​រដ្ឋ​មន្រ្តី​អូស្រ្តាលី Turnbull ​បានពិនិត្យ​មើលការ​ចុះ​ហត្ថលេខា​លើ​កិច្ច​ព្រម​ព្រៀង​ដែល​នឹង​ពង្រីកកិច្ច​ព្រម​ព្រៀង​ពាណិជ្ជកម្មសេរី​រយៈពេល​២ឆ្នាំ​របស់​អស់​លោក។​ ចិន​ក៏​បាន​យល់​ព្រម​ពង្រីក​ទី​ផ្សារ​របស់​ខ្លួន​សម្រាប់ការនាំ​ចេញ​សាច់​គោ​អូស្រ្តាលី​ដែរ។

Read more

សមរភូមិ​នៅ​ទីក្រុង​មូស៊ុល​ត្រូវ​ផ្អាក ខណៈ​តួលេខ​ជនស៊ីវិល​ដែល​ស្លាប់​មាន​ចំនួន​ខ្ពស់​កំពុង​ត្រូវ​បាន​ស៊ើបអង្កេត​

រដ្ឋាភិបាល​អ៊ីរ៉ាក់​បាន​ប្រកាស​កាល​ពី​ថ្ងៃ​សៅរ៍​ថា ខ្លួន​នឹង​ផ្អាក​សមរភូមិ​ដណ្តើម​យក​ទីក្រុង​មូស៊ុល​ពី​ក្រុម​រដ្ឋ​ឥស្លាម​មួយ​រយៈ​សិន បន្ទាប់​ពី​មាន​សេចក្តីរាយការណ៍​នានា​ចេញ​ផ្សាយ​ពី​ជនស៊ីវិល​ដែល​បាន​ស្លាប់​មាន​ចំនួន​ច្រើន។ ​នេះ​បើ​យោង​តាម​សម្តី​របស់​អ្នកនាំពាក្យ​ម្នាក់​របស់​កងកម្លាំង​សន្តិសុខ។ ​ ការ​ផ្អាក​ការ​ប្រយុទ្ធ​គ្នា​នេះ​ត្រូវ​បាន​ប្រកាស ខណៈ​ដែល​ក្រុម​សម្ព័ន្ធមិត្ត​ដែល​ដឹកនាំ​ដោយ​សហរដ្ឋអាមេរិក​កំពុង​តែ​ធ្វើ​ការ​ស៊ើបអង្កេត​មួយ​ទៅ​លើ​ការ​វាយ​ប្រហារ​ផ្លូវ​អាកាស​របស់​ក្រុម​សម្ព័ន្ធមិត្ត​ដែល​សេចក្តីរាយការណ៍​មួយ​ចំនួន​បាន​ចេញ​ផ្សាយ​ថា ថ្មីៗ​នេះ​ខ្លួន​បាន​សម្លាប់​ជនស៊ីវិល​អស់​ជាង​១០០​នាក់​នៅ​ក្នុង​តំបន់ Jidideh ដែល​ស្ថិត​នៅ​ក្បែរ​ទីក្រុង មូស៊ុល​នោះ។ សេចក្តីថ្លែងការណ៍​មួយ​របស់​ក្រុម​សម្ព័ន្ធមិត្ត​បាន​ឲ្យ​ដឹង​ថា ខ្លួន​បាន​បើក​ការ​វាយតម្លៃ​ជា​ផ្លូវការ​ទៅ​លើ​តួលេខ​ជនស៊ីវិល​ដែល​បាន​ស្លាប់​នៅ​ក្នុង​ករណី​ចោទប្រកាន់​នេះ។ សេចក្តីថ្លែងការណ៍​នេះ​ក៏​បាន​ឲ្យ​ដឹង​ថា យន្តហោះ​របស់​ក្រុម​សម្ព័ន្ធមិត្ត​តែងតែ​បើក​ការ​វាយ​ប្រហារ​ផ្លូវ​អាកាស​ទៅ​លើ​ក្រុម​រដ្ឋ​ឥស្លាម​នៅ​ក្នុង​តំបន់​នេះ ហើយ​កងកម្លាំង​របស់​ក្រុម​សម្ព័ន្ធមិត្ត​ប្រុងប្រយ័ត្ន​យ៉ាង​ខ្លាំង​ក្នុង​អំឡុង​ពេល​នៃ​ការ​រៀបចំ​ផែនការ​និង​ការ​ប្រតិបត្តិការ​វាយប្រហារ​ផ្លូវ​អាកាស ដើម្បី​កាត់​បន្ថយ​ហានិភ័យ​ដែល​ប៉ះពាល់​ដល់​ជន​ស៊ីវិល៕ ប្រភព៖ VOA

Read more

អ.ស.ប.៖​ក្រុមប្រឹក្សាសន្តិសុខ​ពង្រឹង​វិធានការ​ការពារ​បេតិកភ័ណ្ឌ​វប្បធម៌​ពិភពលោក

ក្រុម​ប្រឹក្សាសន្តិសុខ​អង្គការ​សហប្រជាជាតិ​បាន​អនុម័ត​ជា​ឯកច្ឆ័ន្ទ​នៅ​ថ្ងៃ​សុក្រ ទី២៤ មីនា​លើ​សេចក្តីសម្រេចចិត្ត​មួយ​ដើម្បី​ពង្រឹង​វិធានការ​ការពារ​បេតិកភ័ណ្ឌ​វប្បធម៌​ពិភពលោក។ ការ​សម្រេចចិត្ត​យ៉ាង​ដូច​នេះ​ដោយ​ក្រុមប្រឹក្សា​សន្តិសុខ​បាន​មើល​ឃើញ​ថា មាន​សម្បត្តិ​បេតិកភ័ណ្ឌ​វប្បធម៌​ក្នុង​លោក​កាន់​តែ​ច្រើន​ឡើងៗ​ត្រូវ​បាន​បំផ្លិចបំផ្លាញ​ដោយ​ជម្លោះ​ប្រដាប់អាវុធ និង​ទង្វើ​ភេរវនិយម។ ចាប់​ពី​ពេល​នេះ​ទៅ ជនដៃដល់​ដែល​បំផ្លាញ​សម្បត្តិ​បេតិកភ័ណ្ឌ​វប្បធម៌​នឹង​ត្រូវ​ចោទប្រកាន់​ពី​បទឧក្រិដ្ឋកម្ម​សង្រ្គាម។ ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ មាន​សម្បត្តិបេតិកភ័ណ្ឌ​វប្បធម៌​ក្នុង​លោក​ជា​ច្រើន​បាន​ក្លាយ​ជា​ផ្ទាំងស៊ីប​នៃ​ការ​វាយ​បំផ្លិចបំផ្លាញ​ពី​ក្រុមជន​ប្រដាប់​អាវុធ ក៏​ដូច​ជា​ពួកជីហាត​អង្គការ​រដ្ឋអ៊ីស្លាម។ ជាក់ស្តែង រូបព្រះពុទ្ធ Bamiyan នៅ​ក្នុង​ប្រទេស​អាហ្វហ្កានីស្ថាន កំណត់ត្រា​ដោយ​ដៃ Tombouctou នៅ​ក្នុង​ប្រទេស​ម៉ាលី ឬ​មួយ​ក៏​ប្រាសាទ Palmyre នៅ​ក្នុង​ប្រទេស​ស៊ីរី។ នៅ​ក្នុង​ន័យ​នេះ សេចក្តីសម្រេចចិត្ត​របស់​ក្រុមប្រឹក្សា​សន្តិសុខ​បាន​អំពាវនាវ​ឲ្យ​ការពារ​សម្បត្តិ​បេតិកភ័ណ្ឌ​វប្បធម៌​ពិភពលោក​ជា​អចិន្ត្រែយ៍​នៅ​គ្រប់​តំបន់​ជម្លោះ​ក្នុង​លោក​ដោយ​គ្មាន​ការ​កម្រិត​ភូមិសាស្រ្ត និង​ការ​គំរាមកំហែង​គ្រប់​ប្រភេទ

Read more

លោកហ្រ្វង់ស័រ ហូឡង់៖​មាន​តែ​ការ​រួម​កម្លាំង​គ្នា​ទេ ទើប​អឺរ៉ុប​ខ្លាំង​ដើម្បី​ប្រឈម​ទប់​នឹង​បញ្ហា​ក្នុង​លោក

ជំនួបកំពូល​អឺរ៉ុប​ដើម្បី​ប្រារព្ធ​ខួប​គម្រប់ ៦០ឆ្នាំ​នៃ​សន្ធិសញ្ញា​ទីក្រុង​រ៉ូម​បាន​បិទបញ្ចប់​នៅ​រសៀល​ថ្ងៃ​សៅរ៍ ទី២៥ មីនា។ នា​ឱកាស​នោះ ជំនួបកំពូល​បាន​ចេញ​ផ្សាយ​សេចក្តីថ្លែងការណ៍​រួម​មួយ​ដែល​អឺរ៉ុប​បាន​បញ្ជាក់​ជា​ថ្មី​ម្តង​ទៀត​ពី​ការ​ប្តេជ្ញាចិត្ត​កសាង​អនាគត​រួម​គ្នា។ លោក​ប្រធានាធិបតី​បារាំង​ហ្រ្វង់ស័រ ហូឡង់​បាន​ថ្លែង​ថា មាន​តែ​ការ​រួបរួម​កម្លាំង​តែ​មួយ​ទេ​ទើប​អឺរ៉ុប​ខ្លាំង​ដើម្បី​ប្រឈម​ទប់​នឹង​រាល់​បញ្ហា​ដែល​កំពុង​កើត​មាន​នៅ​ក្នុង​លោក។ « ពិធី​ប្រារព្ធ​ខួប ៦០ឆ្នាំ​នៃ​សន្ធិសញ្ញា​ទីក្រុង​រ៉ូម​ពេល​នេះ​មាន​បង្កប់​ដោយ​អត្ថន័យ​ពិសេស​មួយ​ធៀប​នឹង​បញ្ហា​ប្រឈម និង​ការ​គំរាមកំហែង​​មួយ​ចំនួន​ដែល​កំពុង​ស្ថិត​នៅ​ពី​មុខ​យើង។ តើ​យើង​ខ្លាំង​ដោយសារ​តែ​យើង​រួបរួម​គ្នា​ជា​ធ្លុងមួយ ជា​កម្លាំង​តែ​មួយ ឬ​មួយ​ក៏​យើង​ខ្លាំង​ដោយសារ​តែ​យើង​បែកបាក់​គ្នា?។ ចម្លើយ​ចំពោះ​សំណួរ​ខាង​លើ​ត្រូវ​បាន​សម្តែង​ឡើង​តាម​រយៈ​ការ​ជួបជុំ​គ្នា​ពេល​នេះ​ដែល​បញ្ជាក់​ថា យើង​នឹង​ខ្លាំង​ក្នុង​ពេល​រួម​កម្លាំង​គ្នា​ដើម្បី​ប្រឈម​ទប់​នឹង​អំពើ​ភេរវកម្ម ដើម្បី​ទប់ទល់​នឹង​ជម្លោះ​ប្រដាប់អាវុធ​ដែល​កំពុង​ស្ថិត​នៅ​ជុំវិញ​ខ្លួន។ យើង​នឹង​ខ្លាំង​ក្នុង​ពេល​រួម​កម្លាំង​គ្នា​ដើម្បី​ធ្វើ​យ៉ាង​ណា​ឲ្យ​ភពផែនដី​របស់​យើង​អាច​ទទួល​បាន​ការ​ការពារ។ យើង​នឹង​ខ្លាំង​ក្នុង​ពេល​រួម​កម្លាំង​គ្នា​ដើម្បី​ប្រឆាំង​ទប់​នឹង​ការ​វិលត្រឡប់​របស់​អាណាចក្រ និង​គំនាប​ពី​ខាង​ក្រៅ។ យើង​នឹង​ខ្លាំង​ក្នុង​ពេល​រួម​កម្លាំង​គ្នា​ដើម្បី​ប្រឈម​ទប់​នឹង​គំនិត​ជាតិនិយម និង​គំនិត​ជ្រុលនិយម។

Read more

អំពើហិង្សាលើ​រ៉ូហ៊ីងយ៉ា ៖ អង្គការ​សហប្រជាជាតិ​ចង់​បញ្ជូន​ជាបន្ទាន់​ភ្នាក់​ងារ​អង្កេត​​ទៅភូមា

នៅ​ថ្ងៃសុក្រ​ទី ២៤​មីនា ២០១៧​នេះ អង្គការ​សហប្រជាជាតិ​បាន​រៀប​ចំ​បង្កើតឱ្យ​មាន​​ ភ្នាក់ងារ​​អន្តរជាតិ​ឯករាជ្យ​មួយ ​ដែល​នឹង​ត្រូវ​បញ្ជូន​ទៅ​បំពេញ​ការងារ​នៅ​ក្នុង​ប្រទេស​ភូមា ដ៏​ឆាប់ៗ​បំផុត​ខាង​មុខនេះ។ បេសកកម្ម​របស់​ពួក​គេ​គឺ​ចុះ​ទៅ​ធ្វើ​អង្កេត​​លើ​ហេតុការណ៍​ហិង្សា​ កាប់​សម្លាប់​មនុស្ស កាលពី​ថ្មីៗ​នេះ ពី​សំណាក់​ទាហាន​រដ្ឋាភិបាល​ភូមា​លើក្រុម​ជាតិ​ពិន្ធុ​រ៉ូហ៊ីងយ៉ា ជនជាតិភាគ​តិច​កាន់​សាសនា​អ៊ីស្លាម គ្មាន​ទឺក​ គ្មាន​ដី គ្មាន​សញ្ជាតិ។ សេចក្តី​សម្រេច​​​បង្កើត​ភ្នាក់ងារ​អង្កេត​ឯករាជ្យ​ ត្រូវ​បាន​អនុម័ត​ឡើង​ តាម​រយៈ​ការ​ព្រមព្រៀង​គ្នា ដោយ​គ្មាន​ឆ្លង​កាត់​ការ​បោះឆ្នោត​នៅ​ក្រុមប្រឹក្សា​សិទ្ធិ​មនុស្ស នៃ​​អង្គការ​សហប្រជាជាតិ​ទេ។ ប្រទេស​ខ្លះ ដូច​យ៉ាង​ចិន និង​ឥណ្ឌា បាន​ដក​ខ្លួន​ចេញ​ពី​សេចក្តី​សម្រេច​ចិត្ត​នេះ។

Read more

ច្បាប់​សុខភាព ៖ លោក ដូណាល់ត្រាំ បាន​ភ្លក្ស​រសជាតិ​​បរាជ័យ​ ជាលើក​ទី​មួយហើយ​ឬ ?!

សភា​អាមេរិក​បាន​លើក​ពេល​បោះឆ្នោត​​លុប​ចោល​ច្បាប់​អូបាម៉ា​ឃែរ និង​អនុម័ត​​ច្បាប់​ធានារ៉ាប់រង​សុខភាពថ្មី ដែលគ្រោង​ធ្វើ​នៅ​ថ្ងៃព្រហស្បតិ៍​ម្សិលមិញ។ មូលហេតុ​មក​ពី​សភា​​មិន​អាច​រក​សំឡេង​គាំទ្រ​បាន​គ្រប់គ្រាន់។ ប៉ុន្តែ​ទោះ​ស្ថិត​ក្នុង​ស្ថានភាព​បរាជ័យ​​ក្តី ក៏​ ​ លោក ប្រធានាធិបតី ដូណាល់ ត្រាំ មិន​រា​ថយ ដោយ​បានចេញ​បញ្ជា​​ដាក់​ឱសានវាទ​ឱ្យ​សភាថា​​ត្រូវ​តែ​ធ្វើ​ការ​បោះឆ្នោត​នៅ​​ថ្ងៃ​សុក្រ​ទី ២៤ មីនានេះ។ លោក ដូណាល់ ត្រាំ ដែល​តែង​តែ​អួត​អាង​អំពី​សមត្ថភាពដ៏​ពូកែ​ និង​មាន​ថ្វីមាត់​ចរចា​ដ៏​ចំណាន​នោះ នៅ​ទី​បំផុត​មិន​អាច​បញ្ចុះ​បញ្ចូល​សភា​អ្នក​តំណាង​បក្ស​សាធារណរដ្ឋ​ បក្ស​របស់​លោក ឱ្យ​គាំទ្រ​កំណែទម្រង់​ច្បាប់​ធានារ៉ាប់រង​សុខភាព​ ដើម្បី​លុប​ច្បាប់​អូបាម៉ាឃែរ​បាន​ទេ។

Read more
-->